Aqmola oblysynda zańsyz elik atqan brakonerler ustaldy
KÓKShETAÝ. QazAqparat-Aqmola oblysynda zańsyz elik atqan brakonerler ustaldy, dep habarlaıdy QazAqparat tilshisi.
Oblystyq ishki ister departamenti baspasóz qyzmetiniń málimeti boıynsha, aǵymdaǵy jyldyń 11 tamyzynda Bulandy aýdanynyń ІІB qyzmetkerleri Voznesenka aýlynyń mańyndaǵy ańshylyq sharýashylyǵy aýmaǵynan zańsyz ań atý oqıǵasyn anyqtady. Oqıǵa ornyna jetken tabıǵatty qorǵaý polıtsııasynyń qyzmetkerleri men sharýashylyq qoryqshysy bólshektelgen eliktiń eti men ańshy pyshaǵyn jáne qap tapqan.
«Elen» JShS ańshylyq sharýashylyǵynyń aǵa qoryqshysynyń sózinshe, keshkisin belgisiz eki adam adam sharýashylyq aýmaǵynda ańshylyqpen aınalysqan. Olardy qoryqshy baıqap qalǵan. Qoryqshynyń kózine túsip qalǵan kúdikteler birden qashyp úlgeredi. Keıin sol mańdaǵy orman alqabyn súzip shyqqan polıtseıler ıesi qalǵan VAZ-2106 kóligin tabady. Kóp uzamaı atalǵan kóliktiń ıesi ári kúdikti Kýpchanovka aýlynyń 29 jastaǵy turǵyny anyqtaldy. Oǵan qosa, osy aýyldyń 18 jastaǵy taǵy bir turǵyny ustaldy. Kúdiktilerdiń ekeýi de zańsyz túlki aýlaǵandaryn moıyndady», dep túsindirdi polıtseıler.
Qorshaǵan ortaǵa keltirilgen shyǵyn kólemi 340 350 teńgeni qurady. Qazirgi kezde, QR QK 337 babynyń 1 bólimi boıynsha qylmystyq is qozǵaldy.
