Aqmola oblysynda vaktsınalaýdyń ekinshi kezeńi júrip jatyr
KÓKShETAÝ. QazAqparat – Aqmola oblysynda vaktsınanyń ekinshi komponentin 200-ge jýyq medıtsına qyzmetkeri aldy, dep habarlaıdy QazAqparat tilshisi.
«QazCovid-In» ekinshi vaktsınasy – Qaraǵandy farmatsevtıkalyq zaýytynyń ónimi. Reseılik «Spýtnık V» vaktsınasynan aıyrmashylyǵy tek ataýynda ǵana, ózge aıyrmashylyǵy joq. Ár qutyda bes adamǵa arnalǵan doza bar», - deıdi Aqmola oblystyq densaýlyq saqtaý basqarmasy basshysynyń orynbasary Narıman Syzdyqov.
Basqarma basshysynyń aıtýynsha, búgingi tańda aqmolalyq dárigerlerge elimizde óndirilgen vaktsınanyń ekinshi dozasyn salý jumystary júrgizilýde.
«Oblysymyzda vaktsınanyń ekinshi komponenti 200-ge jýyq medıtsına qyzmetkerine salyndy. Taǵy 1300 adamǵa ekinshi komponentin alyp, vakıtsınalaýdyń tolyq satysynan ótkiziledi. Budan bólek, birinshi kezeńi boıynsha pedagogtarǵa jáne kúsh qurylymdarynyń qyzmetkerlerine vaktsına salý jumystary qatar júrgizilýde», – dep tolyqtyrdy Narıman Syzdyqov.
Aıta keteıik, Aqmola oblysynda vaktsına salý jumysy 24 egý pýnktinde júrgizilýde. Keıinirek taǵy egý kabınetteri men kóshpeli brıgadalardy iske qosý josparlanýda. 1104 medıtsına qyzmetkeri jumysqa tartylyp, daıyndaldy.
