Aqmola oblysynda vaktsına salý jumysy 24 pýnkte júrgizilýde
KÓKShETAÝ. QazAqparat - Aqmola oblystyq densaýlyq saqtaý basqarmasy basshysynyń orynbasary Narıman Syzdyqov koronavırýske qarsy vaktsına saldyrdy, dep habarlaıdy QazAqparat tilshisi.
Narıman Syzdyqovqa reseılik «Spýtnık V» vektorlyq vaktsınasy salyndy.
«Ózimdi óte jaqsy sezinip otyrmyn. Qysymdy tekserip kórdi. Bári jaqsy. Mynadaı peıdj berdi onymen jarty saǵat ishinde statsıonar beketinde baqylaýdan ótýge tıispiz. Bári kútkendegideı reaktsııa boldy. Azdap basym aınalǵandaı álsizdik basqandaı boldy. Biraq bári qalypty. Úsh kúnge deıin shomylýǵa, alkogoldik sýsyndardy qoldanýǵa bolmaıdy. Ekpe egilgennen keıin úsh kún dárigerdiń baqylaýynda bolamyn, – dedi ol. Narıman Syzdyqov.
Aıta keteıik, QR Densaýlyq saqtaý mınıstrliginen aımaqqa reseılik «Spýtnık V» vektorlyq vaktsınasynyń 1100 dozasy jetkizildi.
Vaktsınany birinshi kezekte juqpaly aýrýlar aýrýhanalarynyń, medıtsınalyq jedel járdemniń, reanımatsııa jáne qarqyndy terapııa bólimshesiniń, qabyldaý bólmeleriniń, statsıonarlyq kómek kórsetetin medıtsına qyzmetkerleri, KVI bar patsıentterge tikeleı qatysy bar sanıtarlyq – epıdemıologııalyq qyzmet qyzmetkerleri alady.
Oblysta vaktsına salý jumysy 24 egý pýnktinde júrgizýde. Keıin qalǵan partııa túsken kezde qalǵan egý kabınetteri men kóshpeli brıgadalardy iske qosý josparlanýda. 1104 medıtsına qyzmetkeri jumysqa tartylyp, arnaıy daıyndyqtan ótti.
