Aqmola oblysynda vaktsına salý qalaı júrip jatyr

KÓKShETAÝ. QazAqparat - Aqmola oblysynyń bas memlekettik sanıtarlyq dárigeri Aınagúl Mýsına jýrnalıstermen ótkizgen brıfıngte óńirde koronavırýs ınfektsııasyna qarsy ekpe egý barysy týraly aıtty, dep habarlaıdy QazAqparat tilshisi.

Óńirdiń bas memlekettik sanıtarlyq dárigeriniń aıtýynsha, qańtardyń 31-de oblysqa «Spýtnık V» vaktsınasynyń 1300 dozasy tústi. Elimizdegi sııaqty 1 aqpannan bastap óńirde koronavırýs ınfektsııasyna qarsy vaktsına salý naýqany bastaldy. Úkimetten bólingen qarajat esebinen vaktsınalaýǵa jatatyn adamdardyń kontıngenti anyqtaldy. Alǵashqy vaktsınalardy medıtsına qyzmetkerleri men sanıtarlyq-epıdemıologııalyq qyzmet qyzmetkerleri alady.

«3 aqpandaǵy málimet boıynsha óńirde barlyǵy 365 adam egildi. Eger birinshi kúni 130 adam vaktsına alsa, ekinshi kúni – 135 adam, qazir kestege sáıkes bizde kúnine 100 - ge jýyq adam ekpe alady», - dep túsindirdi A.Mýsına.

Jalpy, 11 myń medıtsına qyzmetkeri vaktsınalaýǵa jatady, olardyń 596 – sy ınfektsııalyq statsıonarlardyń jáne 856 – sy jedel járdemniń qyzmetkerleri. Aımaqtyń bas sanıtarlyq dárigeri vaktsınany alǵashqylardyń biri bolyp aldy.

«Vaktsına salynǵan aqmolalyqtarda eshqandaı janama áserler tirkelgen joq. Barlyǵynyń jaǵdaıy qanaǵattanarlyq. Búgin meniń vaktsına alǵanyma úshinshi kún. Monıtorıng júrgizilýde. Medıtsına qyzmetkerleri qońyraý shalyp jatyr», - dep tolyqtyrdy ol.

Aıta keteıik, Aqmola oblysynda vaktsına salý jumysy 24 pýnkte júrgizilýde.