Aqmola oblysynda úzdik sportshylar marapattaldy
KÓKShETAÝ. QazAqparat - Aqmola oblysynyń ákimi Málik Myrzalın halyqaralyq jarystarda top jarǵan sportshylardy marapattady, dep habarlaıdy QazAqparat tilshisi ákimdiktiń baspasóz qyzmetine silteme jasap.
Vedomstvonyń málimetinshe, bıyl 70-ten astam aqmolalyq sportshy halyqaralyq jarystarda top jardy. Olar ózderiniń qajyrly eńbeginiń arqasynda óńirde, respýblıkamyzda sporttyń damýyna zor úles qosýda. Oblys basshylyǵy tarapynan sportshylarǵa udaıy kóńil bólip keledi. Qabyldaýda aımaq basshysy Málik Myrzalın sportshylardy jáne jattyqtyrýshylardy halyqaralyq arenada jetken jetistikterimen quttyqtady.
«Búgin sportshylar men jattyqtyrýshylarǵa alǵys aıtýǵa múmkindik týyp otyr. Sport - Otannyń abyroıy úshin óte aýyr eńbek. Barsha aqmolalyqtar atynan sizderdi quttyqtaımyn. Biz sizdermen maqtanamyz», - dedi Málik Myrzalın.
Saltanatty sharada aımaq basshysy M.Myrzalın 2018 jyly III Azııa para oıyndarynda ekinshi oryn alǵan Davıd Degtıarev pen onyń jattyqtyrýshysy ıÝrıı Kolesnıkov, III Dúnıejúzilik kóshpendiler oıynynda birinshi jáne ekinshi oryn alǵandar Oleg Sazonov pen Leonıd Staneev jáne olardyń jattyqtyrýshylary Ilıa Ilın men Erik Sholymov, bokstan álem chempıonatynda úshinshi oryn alǵan Karına Ibragımova men onyń jattyqtyrýshysy Aleksandr Vysotskıı, III Jasóspirimderdiń olımpıada oıyndarynda ekinshi oryn alǵan Talǵat Sháıken men onyń jattyqtyrýshysy Qýat Beısenbaev sııaqty tanymal sportshylar men jattyqtyrýshylarǵa syı-syıapat jasady.
