Aqmola oblysynda úzdik mektep oqýshysy anyqtaldy
KÓKShETAÝ. QazAqparat - Aqmola oblysynda eń bilimdi mektep oqýshysy anyqtaldy, dep habarlaıdy «Qazaqparat» HAA tilshisi oblystyq ishki saıasat basqarmasyna silteme jasap.
El táýelsizdiginiń 25 jyldyǵyn merekeleý jáne bilim kúni aıasynda Kókshetaýdaǵy daryndy balalarmen shyǵarmashylyq jumys júrgizý boıynsha oqytý-ádistemelik ortalyǵynda 7-8 synyp oqýshylary arasynda «Qazaqstan erýdıti» ıntellektýaldy týrnır ótkizildi.
Oǵan oblystyń Bulandy, Býrabaı, Ereımentaý, Esil, Zerendi, Sandyqtaý jáne Tselınograd aýdandarynan kelgen daryndy oqýshylar qatysyp, bilimderin synap kórdi.
Týrnır «Óz oıynyń», «Bilgirler shaıqasy» jáne «Foto-marafon» tárizdi úsh kezeńnen turdy. Alǵashqy kezeńde qatysýshylar qazaq, orys, aǵylshyn tilderi men Qazaqstan tarıhy jáne jaǵrapııa pánderi boıynsha qoıylǵan 30 suraqqa jaýap berse, ekinshi kezeńde fotosýret boıynsha adamdy sýrettep, onyń kelbetin ashýy tıis bolatyn.
Al, sheshýshi úshinshi kezeńde fotosýret boıynsha eldi mekenniń kórikti jerleri men eskertkish jáne óner týyndylaryn sýrettep, aıtyp berdi.
Nátıjesinde týrnır qorytyndysyna saı Ereımentaý aýdanynan kelgen Aıkúmis Qaırat jeńimpaz atandy. Al, ekinshi orynda esildik Dmıtrıı Gýmenıak, úshinshi orynda býrabaılyq Aınur Qasenova.
