Aqmola oblysynda úzdik kásipkerler anyqtalady
KÓKShETAÝ. QazAqparat – Aqmola oblysynda «Shaǵyn jáne orta kásipkerlikti damytýdaǵy jetistigi úshin» baıqaýyna ótinish qabyldaý bastaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, jyl saıyn shaǵyn jáne orta kásipkerlik sýbektileri qyzmetiniń bedelin arttyrý jáne yntalandyrý úshin óńir kásipkerleriniń arasynda úzdikterin anyqtaý boıynsha baıqaý uıymdastyrylady.
«Bıylǵy jyly baıqaýǵa qujattardy tapsyrý qazannyń 29-y men qarashanyń 29-y aralyǵyna josparlanyp otyr. Baıqaýǵa qatysý úshin elektrondy poshta, poshta nemese óziniń quzyrly ókili arqyly belgilengen formada BAQ nemese kásipkerlik jáne ónerkásip basqarmasynyń ınternet-resýrstarynda jarııalanǵan baıqaý qujattaryn tapsyrýǵa bolady. Merzimi ótip ketse, ótinish qabyldanbaıdy. Baıqaý materıaldaryn arnaıy qurylǵan komıssııa qarap, jeńimpazdardy anyqtaıtyn bolady», - deıdi vedomstvodan.
Baıqaý jeńimpazdary «Úzdik áıel kásipker», «Úzdik jas kásipker», «Úzdik ınnovatsııalyq joba» jáne «Úzdik startap» atalymy boıynsha anyqtalady. Ótken jyly baıqaýǵa 4 atalym boıynsha 16 ótinish tústi. Onyń qorytyndysynda Qorǵaljyn aýdanyndaǵy «ZERE» JK, sondaı-aq «BIOTRONGROUP» JShS, «Mıhaılova Tatıana Vladıslavovna» JK jáne Stepnogor qalasyndaǵy «Masterskaıa Dereva Dva Bobra» JK jeńimpaz atandy.
