Aqmola oblysynda úzdik ekskýrsovod anyqtaldy

KÓKShETAÝ. QazAqparat – Aqmola oblysynda «Rýhanı jańǵyrý» baǵdarlamasyn júzege asyrý sheńberinde mýzeı mamandyǵynyń bedelin kóterý, ekskýrsııa qyzmetiniń sapasy men tıimdiligin arttyrý maqsatynda oblystyq 2-shi «Úzdik ekskýrsovod» baıqaýy ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Onlaın formatta ótken baıqaýǵa oblystyń ár óńirinen 9 mýzeı qyzmetkeri qatysyp, baq synady.

«Baıqaý úsh kezeńnen turdy. Birinshi kezeńde ár qatysýshy portfolııa ázirlese, ekinshi kezeńde «Meniń tarıhym mýzeıde» atty beınerolık formatynda ekskýrsııa usyndy. Al úshinshi sheshý kezeńde ZOOM platformasynda «Óz isiniń sheberi» ár deńgeıdegi kelýshilerge ekskýrsııa uıymdastyrýdaǵy kásibı sheberligi men biliktiligin kótersetti», - dep atap ótti oblystyq mádenıet, arhıvter jáne qujattamalar basqarmasyndaǵylar.

Baıqaýdyń úsh kezeńi jáne onlaı daýys berý qorytyndysy boıynsha Gran-prı júldesin Aqmola oblystyq tarıhı-ólketaný mýzeıiniń ekskýrsovody Veronıka Antıpova jeńip aldy. Al Kókshetaý qalasy tarıhy mýzeıiniń qyzmetkeri Aıym Bilálova, Іlıas Esenberlın ádebı murajaıynyń qyzmetkeri Úmitjan Bekenova, Málik Ǵabdýllın mýzeıiniń qyzmetkeri Aıagóz Mahmetova júldeger atandy.

Baıqaý jeńimpazdary men júldegerleri arnaıy dıplom jáne aqshalaı sertıfıkattarǵa ıe boldy.