Aqmola oblysynda úıir jylqyny aıdap ketken barymtashy ustaldy
KÓKShETAÝ. QazAqparat - Aqmola oblysynda 50-den astam jylqyny aıdap əketken kúdikti ustaldy, dep habarlaıdy «QazAqparat» HAA tilshisi.
Polıtseılerdiń málimeti boıynsha 13 mamyrnda Bulandy aýdandyq ІІB kezekshilik bólimine jergilikti sharýa qojalyǵynyń basshysy aryzdanǵan. 70 jastaǵy qarııanyń sózine qaraǵanda 4 mamyr kúni Otradnoe aýylynyń mańynda jaıylyp júrgen 52 jylqysy joǵalyp ketken.
Atalǵan qylmystyń betin ashý úshin arnaıy jedel toby quryldy. Mal ıesiniń polıtseılerge kesh habarlasýy uryny qylmystyń izin sýytpaı ustaýǵa biraz qıyndyq týǵyzdy. Alaıda, shıraqtyq əri joǵary kəsibı sheberlik tanytqan polıtseıler kúdiktini, ıaǵnı Býrabaı aýdanynyń 53 jastaǵy turǵynyn qol túsirdi
«Qazirgi kezde, qoldy bolǵan maldyń biraz bóligi ıesine qaıtaryldy. Kúdikti ýaqytsha ustaý oqshaýlaǵyshyna toǵytylyp, ústinen QR QK 188 babynyń 4 bólimi boıynsha qylmystyq is qozǵaldy», dep túsindirdi baspasóz qyzmetindegiler.
