Aqmola oblysynda úı órtenip, oqıǵa ornynan erli-zaıyptylardyń máıiti tabyldy
KÓKShETAÝ. QazAqparat - Aqmola oblysynyń Şýche qalasynda turǵyn úı órtenip, úı ıesi men onyń áıeli kóz jumdy, dep habarlaıdy QazAqparat tilshisi oblystyq Thtenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, órt mamyrdyń 14-de Grantınaıa kóshesi 3 mekenjaıy boıynsha ornalasqan turǵyn úıde bolǵan. Bul týraly Şýche qalasyndaǵy órt sóndirý qyzmetiniń kezekshilik bólimine sol kúni tańǵy saǵat 07:08 aqparat túsken.
«Tilsiz jaýdy aýyzdyqtaýǵa TJD jeke quramynan 11 adam jáne 2 arnaıy órt sóndirý tehnıkasy jumyldyryldy. Oqıǵa ornynan 1967 jylǵy úı ıesi men onyń 1979 jylǵy áıeliniń denesi tabyldy», - dep túsindirdi Aqmola oblystyq TJD baspasóz hatshysy Dınara Esenbaeva.
Vedomstvodan atap ótkendeı, kóz jumǵan erli – zaıyptylardyń qyzynyń aıtýynsha, órt bolardyń aldynda ata-anasy úıinde ishimdik iship, temeki tartqan. Qazirgi kezde olardyń denesi sot-medıtsıanlyq saraptama úshin máıithanaǵa jiberildi. Órttiń naqtyly shyǵý sebepteri anyqtalý ústinde.
