Aqmola oblysynda úsik júrse, keı óńirde órt qaýpi bar – aýa raıy boljamy

ASTANA. QazAqparat – Búgin Aqmola oblysynda úsik júrse, keı óńirde órt qaýpi bar, dep habarlaıdy QazAqparat «Qazgıdrometke» silteme jasap.

Aqmola oblysynyń ońtústik-shyǵysynda túnde jáne tańerteń tuman kútiledi. Túnde oblystyń soltústik-batysynda, shyǵysynda topyraq betinde 1 gradýs úsik kútiledi.

Qostanaı oblysynyń basym bóliginde joǵary órt qaýpi saqtalady.

Atyraý oblysynyń soltústiginde, shyǵysynda, ońtústiginde kúndiz shańdy daýyl kútiledi. Ońtústik-shyǵystan jel soǵady, kúndiz oblystyń soltústiginde, shyǵysynda, ońtústiginde ekpini 15-20 m/s. Kúndiz oblystyń basym bóliginde 35 gradýs qatty ystyq kútiledi. Oblystyń basym bóliginde tótenshe órt qaýpi saqtalady. Atyraý qalasynda kúndiz ońtústik-shyǵystan jel soǵady, ekpini 15-18 m/s.

Abaı oblysynyń soltústiginde, ortalyǵynda kúndiz jel soltústik-batystan, soltústikten soǵady, kúshi 15-20 m/s. Abaı oblysynyń soltústiginde tótenshe órt qaýpi saqtalady.

Pavlodar oblysynyń ońtústik-shyǵysynda kúndiz soltústik-shyǵystan jel soǵady, ekpini 15-20 m/s. kútiledi. Oblysynyń shyǵysynda, ortalyǵynda tótenshe órt qaýipi saqtalady. Pavlodar qalasynda tótenshe órt qaýipi kútiledi.

Qaraǵandy oblysynyń ońtústik-shyǵysynda naızaǵaı kútiledi. Oblystyń shyǵysynda tótenshe órt qaýpi saqtalady.

Qyzylorda oblysynyń ortalyǵynda, shyǵysynda tótenshe órt qaýpi saqtalady.

Batys Qazaqstan oblysynyń batysynda, ońtústiginde naızaǵaı kútiledi. Jel ońtústik-shyǵystan, ońtústikten soǵady, kúndiz oblystyń batysynda, ońtústiginde ekpini 15-20 m/s.

Ulytaý oblysynyń ortalyǵynda 26-27 mamyrda tótenshe órt qaýpi saqtalady.

Aqtóbe oblysynyń ońtústik-batysynda 26-28 mamyrda óte joǵary órt qaýipi kútiledi.