Aqmola oblysynda ushaq qulaǵany jaıly aqparat - jalǵan
KÓKShETAÝ. QazAqparat - Aqmola oblysynda ushaqtyń qulaýy týraly aqparat jalǵan bolyp shyqty, dep habarlaıdy QazAqparat tilshisi.
Aqmola oblysy polıtsııa departamenti baspasóz qyzmetiniń málimetinshe, naýryzdyń 30-da Tselınograd aýdandyq PB kezekshi bólimine Farforovoe aýylynyń 96-shy razezinde ushaq qulap ketkeni týraly telefon habarlamasy kelip tústi.
«Túsken aqparatty tekserý úshin oqıǵa ornyna jedel-tergeý toby dereý shyqty. Ótkizilgen is-sharalar nátıjesinde Tselınograd aýdanynyń 109 tótenshe jaǵdaılar bólimine Yntymaq aýylynyń 34 jastaǵy turǵyny telefon arqyly habarlasyp, 96-shy razez mańynda ushaq qulaǵanyn jáne tútin shyǵyp jatqanyn aıtty», - dedi vedomstvodan.
Polıtsııa qyzmetkerleri is júzinde bolǵan oqıǵa týraly jubaıy aıtyp bergenin anyqtady,
Oǵan óz kezeginde aýdannyń orta mektepteriniń birinde ot jaǵýshy bolyp jumys isteıtin áriptesi ushaqtyń qulaǵany týraly habarlapty.
Alaıda tekserý kezinde telefon habarlamasynda kórsetilgen aqparat rastalmady.
