Aqmola oblysynda úsh kúnde 3 adam sýǵa batyp ketti
KÓKShETAÝ. QazAqparat - Aqmola oblysynda úsh kúnde úsh adam sýǵa batyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
«Oblys aýmaǵynda úsh kúnniń ishinde úsh adam sýǵa batyp ketti. Qaıǵyly oqıǵanyń bireýi Arshaly aýdanynyń Esil ózeninde oryn aldy. Onda sýǵa shomylmaqshy bolǵan 28 jastaǵy er adam sýǵa batyp ketti. Sonymen birge, Zerendi aýdanynda Zerendi kóline 31 jastaǵy er adam, Kókshetaýda Shaǵalaly sý qoımasyna 47 jastaǵy áıel sýǵa batyp kóz jumdy», - dedi vedomstvodan.
TJD málimetinshe, kún saıyn 300-den astam qutqarýshy, polıtseıler men eriktiler sýdaǵy qaýipsizdik týraly aldyn alý sharalaryn júrgizýde.
Alaıda, demalýshylar tarapynan qaýipsizdiktiń qarapaıym talaptary eskerilmeı, sońy qaıǵyly jaǵdaılarǵa ákelip soǵyp otyr.
Osy rette Aqmola oblystyq tótenshe jaǵdaılar departamentiniń qyzmetkerleri óńir turǵyndary men qonaqtaryna sýdaǵy qaýipsizdik erejelerin saqtaý kerektigin eske salady.
