Aqmola oblysynda úsh kólik soqtyǵysyp, tórt adam aýrýhanaǵa jatqyzyldy
KÓKShETAÝ. QazAqparat - Aqmola oblysynda úsh kólik soqtyǵysyp, tórt adam aýrýhanaǵa jatqyzyldy, onyń ekeýi bala, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, jol apaty «Kókshetaý-Atbasar» avtojolynyń 14-shi shaqyrymynda bolǵan. Bul týraly mamyrdyń 16-da saǵat 14:45 shamasynda Zerendi aýdandyq PB kezekshilik bólimine habarlandy.
«Oqıǵa ornyna jetken polıtsııa qyzmetkerleri anyqtaǵandaı, Kókshetaý baǵytynda júrip kele jatqan «Toyota Land Cruiser» avtokóliginiń 37 jastaǵy júrgizýshisi joldyń qarsy baǵytyna shyǵyp ketip, Kókshetaý qalasynyń turǵyny, 40 jastaǵy áıel basqarǵan «Nissan maxima» jeńil kóligimen soqtyǵysty. Qatty soqqydan «Nissan maxima» avtokóligi ózge «Mitsubishi Canter» avtokóligine baryp soǵyldy», - dedi vedomstvodan.
Jol apaty saldarynan «Mitsubishi Canter» avtokóliginiń júrgizýshisi, Sondaı-aq, «Nissan maxima» jeńil kóliginiń jolaýshylary 37 jastaǵy er adam men kámelettik jasqa tolmaǵan balalar aýrýhanaǵa jatqyzyldy.
«Qazirgi kezde osy oqıǵaǵa baılanysty Qylymstyq kodekstiń 345-babynyń 1-bóligi «kólik quraldaryn basqaratyn adamdardyń jol qozǵalysy nemese kólik quraldaryn paıdalaný qaǵıdalaryn buzýy» boıynsha sotqa deıingi teregý sharalary júrgizilýde. «Toyota Land Cruiser» avtokóliginiń júrgizýshisi ustalyp, ýaqytsha ustaý ızolıatoryna ornalastyryldy. Saraptama taǵaıyndaldy», - dedi vedomstvodan.
