Aqmola oblysynda úsh qańǵybas tóbelesip, bireýi mert boldy
KÓKShETAÝ. QazAqparat – Aqmola oblysynda belgili bir turǵylyqty orny joq úsh qańǵybas tóbelesip, bireýi kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, maýsymnyń 7-inde túngi ýaqytta Şýche qalasynda araqqa sylqııa toıyp alǵan úsh qańǵybas ózara janjaldasyp, artynsha tóbelesken. Saldarynan 60 jastaǵy er adam alǵan dene jaraqatynan kóz jumdy. Onyń denesi aýdan ortalyǵyndaǵy aıaldamadan tabyldy, denesinde bet jaraqattary men gematomalar bar.
«Júrgizilgen jedel - izdestirý is-sharalarynyń nátıjesinde 1989 jyly týǵan eki kúdikti anyqtalyp, ustaldy. Qazirgi kezde osy oqıǵaǵa baılanysty Qylmystyq kodekstiń 106 babynyń 3-bóligi «densaýlyqqa qasaqana aýyr zııan keltirý» boıynsha sotqa deıingi tergeý sharalary júrgizilýde», - dedi vedomstvodan.
