Aqmola oblysynda úsh iri qus ósirýshi kompanııa taýyq jumyrtqasynyń baǵasyn tómendetti
NUR-SULTAN. QazAqparat – Aqmola oblysynda úsh iri qus ósirýshi kompanııa taýyq jumyrtqasynyń baǵasyn tómendetti, dep habarlaıdy QazAqparat Básekelestikti qorǵaý jáne damytý agenttigine silteme jasap.
Vedomstvonyń málimetinshe, «QAZGER-QUS» JShS, «Ijevskıı» ÓK, «AgroInvest-2015» JShS taýyq jumyrtqasynyń baǵasyn tómendetken.
«QAZGER-QUS» JShS básekelestikti qorǵaý jáne damytý agenttiginiń Aqmola oblysy boıynsha departamentiniń habarlamasyn oryndap, birinshi sanattaǵy on taýyq jumyrtqasynyń baǵasyn 40 teńgege tómendetti», delingen habarlamada.
Buǵan deıin departament habarlamasyn «Ijevskıı» ÓK, «AgroInvest-2015» JShS oryndap, Aqmola oblysynyń shekarasynda 1 sanattaǵy taýyq jumyrtqasyn satý baǵasyn tómendetti.
Eske sala ketsek, Shymkent jáne Aqmola oblysynda jumyrtqa óndirýshiler baǵany 5 paıyzǵa tómendetti. Al, buǵan deıin Saýda mınıstrligi jumyrtqa baǵasynyń nelikten óskenin túsindirdi.
