Aqmola oblysynda úsh bapkerdiń jalǵan dıplommen jumys istegeni anyqtaldy
Oblystyq Polıtsııa departamenti baspasóz qyzmetiniń málimetinshe, bıylǵy jylǵy naýryzdyń 12-de Tselınograd aýdanynyń polıtsııa bólimine jergilikti sport mektepteriniń biriniń bapkerleri jumysqa ornalasý kezinde joǵary oqý ornyn bitirgeni týraly jalǵan dıplomdar usynǵany týraly aqparat tústi.
«Tekserý barysynda anyqtalǵandaı, Nur-Sultan qalasynyń 1980, 1983 jáne 1995 jylǵy turǵyndary shamamen eki jyl boıy jalǵan dıplommen balalardy jattyqtyryp kelgen. Joǵary bilim týraly qujattarynda olardyń qazaq sport jáne týrızm akademııasyn bitirgendigi kórsetilgen. Alaıda, atalmysh oqý ornyna suraý salý kezinde bul azamattar onda oqymaǵany anyqtaldy. Jalǵan dıplomdaryn 2003, 2009 jáne 2018 jyldary alǵan», - dedi vedomstvodan.
Qazirgi kezde osy 3 jaǵdaıǵa baılanysty Qylmystyq kodekstiń 385 babynyń 3 bóligi «kórineý jalǵan qujatty paıdalaný» boıynsha sotqa deıingi is qozǵaldy. Jalǵan dıplomdar zattaı dáleldemeler retinde alyndy, tergeý jalǵasýda.