Aqmola oblysynda úsh bala kavasakı sındromynan jazylyp shyqty
KÓKShETAÝ. QazAqparat - Aqmola oblysynda úsh bala kavasakı sındromynan emdelip shyqty.
Bul týraly jýrnlaıstermen ótken brıfıngte oblystyq densaýlyq saqtaý basqarmasynyń basshysy Súlen Іlıasov aıtty dep habarlaıdy QazAqparat tilshisi.
Basqarma basshysynyń aıtýynsha, búgingi kúni oblysta 905 naýqasqa arnalǵan 12 juqpaly aýrýlar stantsıonary, 84 jansaqtaý orny bar. Qosymsha 990 kereýet 14 stantsıonar 103 jansaqtaý orny jasaqtaldy. Stantsıonarlarda 310 adam emdelýde. Onyń ishinde 23 naýqastyń jaǵdaıy aýyr, 3 naýqas jasandy tynys alý apparatyna qosylǵan.
«Oblystyń medıtsınalyq uıymdarynda 425 jasandy tynys alý apparaty bar bolsa, onyń 203-i portatıvti. Jalpy, medıtsınalyq jabdyqtardy satyp alý úshin oblystyq bıýdjetten 3,7 mıllıard teńge qarjy bólindi», - dedi S. Ilıasov.
Sonymen qatar, óńirde balalar arasynda koronavırýs ınfektsııasyn juqtyrý jaǵdaıy tirkelgenin atap ótti.
«Balalar arasynda koronavırýs ınfektsııasyn juqtyrǵandar bar. Onyń ishinde 3 bala kavasakı sındromynan saýyǵyp shyqty. Bul atalmysh derttiń asqynýynyń bir túri. Ózimde bıoven - spetsıfıkalyq preparatynyń bolýy balalardy emdeýde paıdasy tıdi. Osynyń arqasynda balalar kavasakı sındromynan tolyq saýyǵyp shyqty. Oblys ákimdigi bólgen 10 mıllıon teńge qarjyǵa atalmysh preparat satyp alyndy. Búgingi tańda stantsıonarda taǵy 6 bala em qabyldaýda. Olardyń jaǵdaı qanaǵattanarlyq», - dep tolyqtyrdy S. Ilıasov.
