Aqmola oblysynda úsh aılyq náreste kóz jumdy
KÓKShETAÝ. QazAqparat - Aqmola oblysynda úsh aılyq náreste kóz jumdy. QazAqparat bul týraly oblystyq Densaýlyq saqtaý basqarmasyna silteme jasap habarlaıdy.
Krasnyı ıAr aýylyndaǵy Bastapqy medıtsınalyq-sanıtarlyq kómek ortalyǵynyń bas dárigeriniń aıtýynsha, dáriger men medbıke janıauǵa patronajdy udaıy jasap otyrǵan.
«1 jáne 2-aıda balanyń densaýlyǵyna qatysty anasynan shaǵym bolmaǵan. Medbıke 6 qarashada onyń úıine barǵanda da eshteńe aıtpaǵan. Medbıke balany tekserip, kútimi boıynsha tıisti usynystaryn túsindirip ketken. Al 12 qarasha kúni úsh aılyq merziminde dáriger qabyldaýyna kelýi tıis bolǵan. Biraq ol kelmegen. Sondyqtan medbıke sol kúni keshkisin olardyń úıine barǵan. Úı ıeleri daladan qarsy alyp, qonaqqa barýǵa ázirlenip jatqandaryn aıtqan», - dep málim etti vedomstvo ókilderi.
15 qarashada bala shuǵyl túrde Oblystyq kópbeıindi balalar aýrýhanasyna jatqyzyldy.
«Bastapqy dıagnozy: aspıratsııalyq sındrom. Óıtkeni bala aýrýhanaǵa aýyr halde jetkizilgen. Jansaqtaý bóliminde shuǵyl em-dom sharalary júrgizilgenine qaramastan, shaqalaqtyń ómirin saqtap qalý múmkin bolǵan joq», - deıdi dárigerler.
Oblystyq densaýlyq saqtaý basqarmasynyń aqparatynsha, balanyń neden shetinegenin sot-medıtsınalyq saraptama anyqtaıtyn bolady.
