Aqmola oblysynda úsh áıelge pyshaq jaraqatyn salǵan qaskóı ustaldy
KÓKShETAÝ. QazAqparat – Aqmola oblysynda úsh áıelge pyshaq jaraqatyn salǵan qaskóı ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2020 jylǵy 14 naýryzda Esil aýdandyq PB kezekshilik bólimine 66 jastaǵy jerlikti turǵyn habarlasyp, túngi ýaqytta kórshileriniń tynyshtyqty buzǵanyn aıtqan.
«Aıtylǵan mekenjaı boıynsha barǵan polıtsııa qyzmetkerleri 47 jastaǵy er adamdy ustady. Kúdikti buryn sotty bolǵan. Anyqtalǵandaı, ol qosylyp spırttik ishimdik ishken 31, 35 jáne 36 jastaǵy úsh áıelge pyshaq jaraqatyn salǵan. Zardap shegýshiler aýrhanaǵa jatqyzyldy», deıdi vedomstvodan.
PD qyzmetkerleri atap ótkendeı, qazirgi kezde, atalmysh oqıǵa baılanysty QR QK 107 baby (Qasaqana densaýlyǵyna ortasha aýyr zııan keltirý) boıynsha sotqa deıingi tergeý amaldary júrgizilýde. Kúdiktige tergeý ýaqytynda shaqyrǵan ýaqytta mindetti túrde kelý protsessýaldyq sheshim shyǵaryldy.
