Aqmola oblysynda urylar bir otar qoıdy aıdap áketken
KÓKShETAÝ.QazAqparat - Aqmola oblysynda bir otar qoıdy aıdap əketken urylar qolǵa tústi, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha aǵymdaǵy jyldyń 11 tamyzynda Ereımentaý aýdanynyń ІІB kezekshilik bólimine jergilikti sharýa qojalyǵynyń basshysy 62 jastaǵy jergilikti turǵyn aryzdanyp, fermadaǵy 127 qoıynyń urlanǵanyn aıtqan.
Jedel izdestirý sharasy barysynda polıtseıler 1994 jəne 1989 jylǵy eki astanalyqty qolǵa túsirdi. Kúdiktilerdiń sózinshe, bir otar qoıdy 60 shaqyrym jerdegi qaraýsyz qalǵan fermaǵa jasyrǵan. Artynsha Astana qalasynda birtindep satpaq bolǵan. Keltirilgen shyǵyn kólemi 3583000 teńgeni qurady. Keltirilgen shyǵyn tolyqtaı óteldi.
"Qazirgi kezde kúdiktiler ýaqytsha ustaý oqshaýlaǵyshyna qamalyp, ústerinen QR QK 188 babynyń 3 bólimi boıynsha qylmystyq is qozǵaldy", dep túsindirdi polıtseıler.
