Aqmola oblysynda urlanǵan 400 bas mal ıesine qaıtaryldy
KÓKShETAÝ. QazAqparat - Aqmola oblysynda jyl basynan beri barlyǵy 400 bas mal ıesine qaıtaryldy, dep habarlaıdy QazAqparat tilshisi.
ІІD baspasóz qyzmetiniń deregi boıynsha, óńirde «Mal urysy» jedel aldyn alý sharasy júrgizilýde. Sharaǵa krımınaldy polıtsııa, ýchaskelik polıtsııa, patrýldik qyzmet bólimsheleriniń qyzmetkerleri tartyldy. Respýblıkalyq jáne jergilikti mańyzdaǵy joldarǵa qosymsha 45 mobıldi top ornalastyryldy. Olar táýlik boıyna mal jáne mal etin tasymaldaýshylardyń qujattaryn tekseredi.
Sharanyń alǵashqy kúni polıtseıler barlyǵy 70-ten astam kólikti tekserdi. Onyń 13-de qajetti qujattar joq bolyp shyqty. Buǵan qosa, shaǵyn bazarlar men et kombınaty jáne shujyq tsehtary tekserildi.
«Júrgizilgen jedel aldyn alý sharasy barysynda 6 mal urlyǵynyń beti ashyldy. Kúdikti 4 adam ustaldy, 11 bas mal ıesine qaıtaryldy. Jalpy, jyl basynan beri oblys boıynsha barlyǵy mal urlyǵyna qatysty 80-ge jýyq qylmys áshkerelenip, urlanǵan jáne joǵalǵan 400 bas mal ıesine qaıtaryldy», - dep túsindirdi ІІD baspasóz qyzmetindegiler.
