Aqmola oblysynda urlanǵan 4 bas jylqy ıesine qaıtaryldy
KÓKShETAÝ. QazAqparat - Aqmola oblysynda urlanǵan 4 bas jylqy tabylyp, ıesine qaıtaryldy, dep habarlaıdy "QazAqparat" HAA tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha, aǵymdaǵy jyldyń 24 qańtarynda Býrabaı aýdandyq ІІB kezekshilik bólimine Kókshetaý qalasynyń turǵyny 4 jylqysynyń joǵalǵanyn aıtyp, aryzdanǵan.
"Aryzdanýshynyń sózine qaraǵanda, joǵalǵan jylqylar Býrabaı aýdanyndaǵy Qarabaýyr aýylynyń mańynda jaıylyp júrgen.
"Mal urlaýshy" jedel aldyn alý sharasy barysynda polıtseıler Soltústik Qazaqstan oblysyndaǵy Aımaq aýylynyń 36 jastaǵy turǵynyn qolǵa túsirdi", dep túsindirdi polıtseıler.
Qazirgi kezde urlanǵan maldar ıesine qaıtarylyp, QR QK 188-babynyń 1-bólimi boıynsha sotqa deıingi tergeý amaldary júrgizilýde.
