Aqmola oblysynda urlanǵan 30 bas mal ıesine qaıtaryldy
KÓKShETAÝ. QazAqparat - Aqmola oblysynda urlanǵan 30 bas mal ıesine qaıtaryldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, Aqmola oblysy aýmaǵynda 24 qarashadan bastap mal urlyǵyn boldyrmaý maqsatynda "Soǵym" jedel aldyn alý sharasy júrgizilýde.
"Sharanyń birinshi kúni mal urlyǵyna qatysty 6 qylmystyń beti ashyldy. Onyń ishinde Zerendi aýdandyq ІІB krımınaldy polıtsııa qyzmetkerleri 2 jylqyshyny ustaǵan. Kúdiktilerdiń birneshe aı boıy aýdan jəne oblys ortalyǵy turǵyndarynyń jylqylaryn urlap, keıin satyp otyrǵany anyqtaldy. Barymtashylar Kókshetaý qalasynyń 62 jastaǵy turǵynynyń 10 jylqysyn aıdap áketken", dep túsindirdi baspasóz qyzmetindegiler.
Qazirgi kezde atalǵan oqıǵaǵa baılanysty QR QK 188 babynyń 4 bólimi boıynsha sotqa deıingi is qozǵaldy.
Eske sala keteıik, "Soǵym" jedel aldyn alý sharasy úsh kún boıy jalǵasatyn bolady. Sharaǵa 40 mobıldi top tartylýda. Sharanyń birinshi kúni 100 avtokólik tekserildi. Mal urlyǵyna qatysty 16 qylmystyń beti ashylsa, onyń 10-y buryn jasalǵandar. Osynyń nətıjesinde 30 bas mal ıesine qaıtaryldy
