Aqmola oblysynda UBT nátıjeleri belgili boldy

KÓKShETAÝ. QazAqparat - Aqmola oblysynda Ulttyq biryńǵaı testileýdiń qorytyndy nátıjeleri belgili boldy,  dep habarlaıdy «QazAqparat» HAA tilshisi.

Oblystyq bilim basqarmasynan málim etkendeı, 2018 jyldyń 21-23 maýsymy aralyǵynda ótken UBT-ǵa 3483 myńnan astam aqmolalyq túlek qatysty. Jalpy, bıylǵy jyly Aqmola oblysynda barlyǵy  4975 oqýshy mektep bitirdi. UBT 11 testileý pýnktinde ótti. Onyń 8-i oblystyń ər óńirinde bolsa, 3-eýi Astana qalasynda ornalasqan.

Oblystyq bilim basqarmasy baspasóz qyzmetiniń málimetinshe, bıylǵy jyly 782 túlek 100-den joǵary ball jınady.

«Shortandy aýdanyndaǵy Stepnoı orta mektebiniń túlegi Nurgúl Súleımenova UBT-de 140 upaıdyń 137-ine qol jetkizdi. Bul oblys boıynsha eń joǵary kórsetkish. Al 2990 túlek eń tómengi deńgeı - 50-den joǵary ball jınady»,  - dep kórsetilgen habarlamada.