Aqmola oblysynda TJ kezinde birqatar zań buzýshylyqtar anyqtalǵan
KÓKShETAÝ. QazAqparat - Aqmola oblysynda karantın rejımi talaptarynyń saqtalýyn qadaǵalaý boıynsha turaqty túrde arnaıy reıdter uıymdastyrylýda, dep habarlaıdy QazAqparat tilshisi oblystyq Taýarlar men qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, reıd kezinde óńirdiń sanıtarlyq qyzmetiniń mobıldik toby ókilderi 1555 adamǵa karantın rejımi talaptaryn saqtaý boıynsha túsindirý jumystaryn júrgizgen.
«Epıdemııaǵa qarsy sharalar barysynda 1989 nysan tekserilip, onyń 244-de zań buzýshylyq anyqtaldy. Tótenshe jaǵdaı engizilgen ýaqyt ishinde barlyǵy 144 ákimshilik hattama toltyryldy.
Sonymen qatar, 2764 jeke tulǵamen profılaktıkalyq áńgimelesý júrgizildi. Karantın rejımi talaptaryn buzǵan jeke tulǵalarǵa qatysty 370 ákimshilik hattama toltyryldy.
Sot tarapynan 369 qaýly shyǵaryldy, onyń ishinde jalpy sommasy 3 mıllıon 962 myń 484 teńge kóleminde 154 aıyppul salyndy. 51 is boıynsha eskertý jasalyp, 164 iske qatysty qamaýǵa alý týraly sheshim shyǵaryldy. Taǵy 145 ákimshilik is sot organdarynyń qaraýynda jatyr», - deıdi vedomstvodan.
