Aqmola oblysynda turmystyq zorlyq-zombylyq qurbandaryna arnalǵan ortalyq ashyldy
KÓKShETAÝ. QazAqparat - Aqmola oblysynyń Býrabaı aýdanynda turmystyq zorlyq-zombylyq qurbandaryna qoldaý kórsetetin «Úmit» ortalyǵy ashyldy, dep habarlaıdy QazAqparat tilshisi ІІD baspasóz qyzmetine silteme jasap.
Ortalyqtyń 15 adamǵa deıin qabyldaýǵa múmkindigi bar. Onda turmystyq zorlyq-zombylyqqa ushyraǵandarǵa psıhologııalyq-áleýmettik beıimdeý boıynsha qyzmet, zańgerlik jáne medıtsınalyq kómek kórsetiledi. Jańa ǵımaratta qabyldaý bólimi, dáriger jáne áleýmettik qyzmetker kabıneti, sondaı-aq, jatyn oryn, ashana, balalar alańy qarastyrylǵan.
Ortalyqtyń ashylýy rásimine Býrabaı aýdanynyń ákimi Qanat Qaraýylov, aýdandyq jumyspen qamtý jáne áleýmettik baǵdarlamalar bóliminiń ókilderi jáne aýdandyq ІІB áıelderdi zorlyq-zomblyqtan qorǵaý boıynsha aǵa ınspektory, polıtsııa maıory Anar Ryspaeva qatysyp, quttyqtaý sóz sóıledi.
«Ortalyqtyń ashylýy turmystyq zorlyq-zombylyqpen kúresýde mańyzdy qadam bolyp otyr. Munda qıyn jaǵdaıǵa dýshar bolǵan áıelderdiń beıimdelýine barlyq jaǵdaı jasalǵan. Ortalyqqa túsken áıelder alty aı boıy turyp, tegin tamaqtanady. Keıin qujattaryn rásimdep, jumysqa da ornalasýyna jaǵdaı jasalynady», dep atap ótti Anar Ryspaeva.
Aıta keteıik, bul Aqmola oblysynda ashylyp otyrǵan 3-shi ortalyq. Osyǵan deıin Kókshetaý jáne Stepnogorsk qalalarynda ortalyq iske qosyldy. Endi Şýche qalasynda ashylyp otyr.
Bıylǵy jyldyń basynan beri Aqmola oblysynda 1 000 áıel polıtsııaǵa kómek surap júgingen. Onyń ishinde turmystyq zorlyq-zombylyq boıynsha 467 adam jaýapqa tartylǵan.
