Aqmola oblysynda túrmede onlaın úılený toıy ótti
KÓKShETAÝ. QazAqparat -Aqmola oblysy boıynsha Qylmystyq atqarý júıesi departamentiniń ETs-166/25 mekemesinde neke qııý rásimi ótti, dep habarlaıdy QazAqparat tilshisi vedomstvonyń baspasóz qyzmetine silteme jasap.
Departamenttiń málimetinshe, eki ǵashyqtyń qarym-qatynastaryn zańdastyrýǵa temir tor da kedergi bola almaıdy. Neke jáne otbasy týraly kodeks sottalǵandarǵa mekeme ákimshiligine neke qııý týraly ótinishpen júginýge quqyq beredi. Aqmola oblysy boıynsha QAJD ETs-166/25 mekemesinde neke qııý rásimi ótti. Jáne bul birinshi ret emes. Jyl basynan beri kolonııada sottalǵandardyń 5 nekesi tirkeldi. Mahabbat jasqa qaramaıdy. Nekege turǵandardyń jasy 22-51 shamasyndaǵylar. Jas jubaılar ETs-166/25 ortasha qaýipsizdik mekemesinde jazasyn ótep jatqan Andreımen onyń súıiktisi Alenany nekesin AHAT qyzmetkeri qıyp, quttyqtady.
«Biz buǵan deıin úılenýdi oılaǵan josparlaǵan joq edik. Alaıda, Andreı eki jylǵa sottaldy. Biraq soǵan qaramastan biz keshiktermeı úılenýdi sheshtik», - deıdi qalyńdyq,
Karantın jaǵdaıy bolsa da, QAJ mekemesiniń qyzmetkerleri zań aıasynda neke qııý rásimin uıymdastyrdy.
Zerendi aýdandyq AHAT bóliminiń qyzmetkeri Mendelsonnyń dástúrli marshymen jáne «Men seni kúıeý men áıel dep jarııalaımyn» degen dástúrli sózderimen quttyqtady. Ony qalyndyq beıne jazba túsirip aldy. Al, sottalýshy qalyndyǵy men quttyqtaýdy onlaın rejımde kórdi.
