Aqmola oblysynda týrıstik geoportal ashylady

KÓKShETAÝ. QazAqparat-Aqmola oblysynda tsıfrlandyrý jobasy sheńberinde týrıstik geoportal ashylady. Bul týraly óńirlik kommýnıkatsııalar qyzmetinde ótken brıfıngte  Aqmola oblystyq týrızm basqarmasynyń basshy Danııar Idııatov aıtty, dep habarlaıdy QazAqparat tilshisi.

Basqarma basshysynyń aıtýynsha, geoportalǵa 50 astam kórikti jerler, 43 kıeli oryndar,  25 týrıstik baǵyttar (Kókshetaý, Býrabaı, Zerendi, Sandyqtaý, Qorǵaljyn) enedi.

Onda túrli tústi jazýlar men foto ǵana emes, geolaktsııanyń qazirgi zamańǵy tehnologııasy, 3D kórsetilim, brondaý  jəne taǵy basqa qyzmetter bolady.

«Oblystaǵy mańyzdy salany tsıfrlandyrý sheńberinde «E-Týrızm» júıesi jasaldy», dep atap ótti D.Idııatov.

«Visit Aqmola» týrıstik aqparattyq ortalyǵynda  Aqmola oblysynyń týrıstik əleýeti týraly qazaq, orys jəne aǵylshyn tildi ınternet resýrsti iske qosý jumystary aıaqtalýǵa jaqyn.

Veb-dızaınnyń trendin qoldaný arqyly jasalǵan jańa saıt qoldanýshylarǵa eldi mekendi, ornalasqan nysandar jəne saýyqtyrý oryndaryn tańdaýǵa múmkindik beredi.

Sonymen qatar, saıt aqparattyq kıosk júıesimen qamtylǵan. Onda týrıster ózderine qajetti kez-kelgen aqparatty ala alady. Osyndaı aqparattyq kıoskiler Astanadaǵy N.Nazarbaev áýejaıynda, «Nurly jol» vokzalynda jəne Býrabaıdaǵy «Býrabaı Damý» JShS vızıt ortalyǵynda ornalasqan. Aldaǵy ýaqytta elimizdiń ər óńiri jəne Reseıdiń shekaralas aımaqtarynda da ornatý josparda bar.