Aqmola oblysynda turǵyndardy jappaı vaktsınatsııalaý bastaldy
KÓKShETAÝ. QazAqparat - Búgin Aqmola oblysynda barlyq nıet bildirýshiler úshin vaktsınatsııalaý bastaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.
Kókshetaýda «RIO» saýda-oıyn-saýyq ortalyǵy men Memlekettik kirister departamentinde jyljymaly egý pýnktteri ashyldy. Terapevt dáriger men egý medbıkesinen turatyn 1 qalalyq emhananyń mobıldi egý brıgadasy kýshetkalar, yńǵaıly dıvandar ornatylǵan jáne tońazytqyshpen jabdyqtalǵan kabınetterde ornalasqan.
Bul halyq úshin testilik negizde turaqty túrde jumys isteıtin bolady. Vaktsınatsııalaýdan buryn árbir patsıent qarsy kórsetilimderdiń bolýyn anyqtaý úshin tekserýden ótedi. Bas sanıtarlyq dáriger Aınagúl Mýsınanyń aıtýynsha, jappaı egý birinshi kezekte saýda ortalyqtarynda, bazarlarda, uıymdastyrylǵan ujymdarda, oblys ortalyǵynyń ónerkásiptik kásiporyndarynda júrgiziledi.
«Bizde tumaýǵa qarsy jappaı vaktsınatsııalaýdyń oń tájirıbesi bar, biz 10 kún ishinde epıdemıologııalyq maýsymda 80 myńǵa jýyq halyqty egemiz. Búginde oblysta bul úshin barlyq resýrstar bar. Sondaı-aq, normatıvke sáıkes kúnine bir jyljymaly egý pýnkti 40 adamǵa deıin, emhanalarda 60 adamǵa deıin qabyldaı alady», - dep túsindirdi Aınagúl Mýsına.
Kásipker Igor Smelıanskıı vaktsınatsııadan keıingi jaǵdaıy týraly aıtty.
«Men ózimdi keremet sezinemin. Men vaktsınany tipti oılanbastan alýǵa sheshim qabyldadym. Búgin jumysta biz alatynymyzdy jarııaladyq jáne men birden kelistim. Óıtkeni, bul eń aldymen bizdiń qaýipsizdigimiz, densaýlyǵymyz, otbasymnyń densaýlyǵy. Tyǵyz jumys kestesine baılanysty mende jıi ýaqyt joq. Mundaı pýnktterdiń ashylýy halyq úshin óte yńǵaıly», - dep atap ótti ol.
Aıta keteıik, 1 aqpannan bastap Aqmola oblysy boıynsha 6,2 myńnan astam adam vaktsına aldy. Birinshi kezekte muǵalimder, polıtseıler, pedagogtar men dárigerler egildi. 10 sáýirden keıin oblysta taǵy 24 myń dozadan turatyn partııa kútýde. Óńirde qolaısyz reaktsııalar tirkelgen joq.
