Aqmola oblysynda turǵyn úılerdiń zańsyz berilgeni anyqtaldy

KÓKShETAÝ. QazAqparat - Aqmola oblysy prokýratýrasy memlekettik turǵyn úı qorynan páter bólý kezinde zań buzýshylyqtarǵa jol berý faktilerin anyqtady, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.

Vedomstvonyń málimetinshe, prokýrorlyq tekseris oblystyń barlyq aýdandaryn qamtydy. Kókshetaý qalasynda bıýdjettik uıymnyń qyzmetkeri 2017 jyly memleketten alǵan páterdi úshinshi tulǵalarǵa jalǵa beretindigi anyqtaldy.

«Kókshetaý qalasy prokýratýrasynyń qadaǵalaý aktisi boıynsha atalǵan tulǵa páterden kóshirilip, páter kóp balaly otbasyna berildi. Astrahan aýdanynda 2017 jyly bıýdjettik uıymnyń qyzmetkerine memleket qorynan páter usynylǵan bolatyn. 2020 jyly qyzmetker óz atyna budan basqa páterdi mura retinde qabyldaǵany anyqtaldy. Búgingi tańda memleket qoryndaǵy páter 11 jyl kezekte turǵan jetim balaǵa berildi», - dedi vedomstvodan.

Vedomstvodan atap ótkendeı, tekserý qorytyndysy boıynsha memleketke 20 páter qaıtaryldy.

«Jaqyn arada páterler qaıta bólinedi jáne birinshi kezekte halyqtyń áleýmettik osal toptaryna beriledi. Bul baǵytta jumys jalǵasatyn bolady», - dep tolyqtyrdy vedomstvodan.