Aqmola oblysynda turǵyn úıde bolǵan órtten 2 adam kóz jumyp, 1 adam japa shekti
KÓKShETAÝ. QazAqparat - Aqmola oblysynyń Sandyqtaý aýdanynda eki páterli turǵyn úıden órt shyǵyp, 2 adam kóz jumdy, taǵy 1 adam japa shekti.
Bul týraly aımaqtyq TJD baspasóz qyzmetinen habarlady.
«Órt 7 qarasha kúni keshki ýaqyt 21:04 mınýt shamasynda Sandyqtaý aýdanynyń Shańtóbe kentinde eki páterli turǵyn úıde boldy. Tilsiz jaýdy aýyzdyqtaýǵa TJD «órt qyzmeti jáne apatty-qutqarý jumysy» MM-niń jeke quramynan 4 adam jáne 1 arnaıy órt sóndirý tehnıkasy, «Rýdnık-Shańtóbe» JShS-niń 2 jumysshy jumyldyryldy.
Osynyń saldarynan 1 adam zardap shekse, 1930 jáne 1981 jyly týylǵan eki adam selolyq medıtsınalyq pýnkti de kóz jumdy», dep kórsetilgen habarlamada.
