Aqmola oblysynda turǵyn úı qurylysynyń kólemi artyp keledi
KÓKShETAÝ. QazAqparat - Aqmola oblysynda turǵyn úı qurylysynyń kólemi artyp keledi. Bul týraly aımaq basshysy Málik Myrzalın turǵyndar aldyndaǵy esepti kezdesýinde aıtty, dep habarlaıdy QazAqparat tilshisi.
«Óńirde «Nurly jer» baǵdarlamasyn júzege asyrylǵannan bergi 2 jyldyń ishinde barlyǵy 900 myńnan astam sharshy metr baspana paıdalanýǵa berildi. 8350 otbasy páter máselesin sheshti. Onyń ishinde 2018 jyly barlyǵy 4707 páter paıdalanýǵa berildi. Memlekettik ınvestıtsııa arqasynda 11 jaldamaly jáne 3 nesıelik úı salyndy», - dedi aımaq basshysy Málik Myrzalın.
Oblysta bıylǵy jylǵa da úlken josparlar jasalyp otyr.
«Bıylǵy jyly úlken kólemde, ıaǵnı alǵash ret 5 myń páter paıdalanýǵa beriledi», - dedi aımaq basshysy.
Sonymen qatar, oblysta jeke turǵyn úıler salý úshin aldaǵy 3 jyl ishinde 5 myńnan astam jer telimi sý jáne elektermen jabdyqtaý jelilerimen qamtamasyz etiledi. Budan bólek, «7-20-25» baǵdarlamasy boıynsha baspana máselesin sheshý múmkindigi týyp otyr. Atalmysh baǵdarlama qolǵa alynǵanan beri Aqmola oblysy respýblıka boıynsha úzdik bestikke endi.
