Aqmola oblysynda tuńǵysh ret naýbaıhanashylar jarysy ótti
KÓKShETAÝ. QazAqparat - Aqmola oblysynda tuńǵysh ret «World Skills Kazakhstan-2017» naýbaıhanashylar jarysy ótti, dep habarlaıdy «QazAqparat» HAA tilshisi.
Atbasardaǵy №11 Agrotehnıkalyq kolledjinde tuńǵysh ret uıymdastyrylǵan jarysqa oblystaǵy 7 kolledjdiń stýdentteri qatysty. Jeńimpazdar qamyr ıleý, maıqospa toqash pisirý, nan, krýassandar pisirý boıynsha anyqtaldy.
Jarys qorytyndysyna saı, birinshi orynǵa Astrahan selosyndaǵy №6 agrotehnıkalyq kolledjiniń oqýshysy Anna Gorbýnova laıyq dep tanylsa, ekinshi jáne úshinshi oryndardy Krasnyı ıAr selosyndaǵy №3 agrotehnıkalyq kolledjiniń stýdenti Danıl Rýdnıtskıı men Atbasar qalasyndaǵy №11 agrotehnıkalyq kolledjiniń oqýshysy Krıstına Stıhına ózara bólisti. Jeńimpazdarǵa «World Skills Kazakhstan-2017» kýbogi men oblystyq bilim basqarmasynyń 1,2,3 dárejeli dıplomdary tapsyryldy.
Sondaı-aq, qazylar alqasynyń sheshimen Anna Gorbýnova Astana qalasynda ótetin Ulttyq chempıonatta Aqmola oblysynyń namysyn qorǵaıtyn boldy.
