Aqmola oblysynda tumaýǵa qatysty epıdemıologııalyq jaǵdaı turaqty
KÓKShETAÝ. QazAqparat - Aqmola oblysynda tumaý boıynsha epıdemıologııalyq jaǵdaı turaqty. Bul týraly óńirlik kommýnıkatsııalar qyzmetinde ótken brıfıngte aıtyldy, dep habarlaıdy "QazAqparat" HAA tilshisi.
Brıfıngte aıtylǵandaı, oblys aýmaǵynda tumaýǵa qarsy ekpe egý jumystary tıisti deńgeıde júrgizildi. Ótken jyly osy maqsatta tumaýǵa qarsy ekpe egý úshin 2016-2017 jyldarǵa oblystyq bıýdjetten 44 mıllıonnan astam teńge qarajat bólindi.
Kóp jylǵy taldaý kórsetkendeı mamandar Aqmola oblysy aýmaǵynda tumaýdyń 2016-2017 epıdemıologııalyq maýsymy qazannan sáýir aıyna deıin jalǵasatynyn boljap otyr.
Sol sebepti aýdan jəne qalalardaǵy emhanalar men aýrýhanalarda tumaý tıip, ystyǵy kóterilgen naýqastardy qabyldaý úshin barlyq jaǵdaı jasalǵan. Oǵan qosa, qosymsha telefon men jedel járdem kóligi bólinip otyr.
"Oblys ortalyǵynda jəne Kókshetaý qalalyq emhanasynda tumaý boıynsha epıdemıologııalyq jaǵdaı qalypty. 2016 jyldyń 6 jeltoqsany men 2017 jyldyń 10 qańtary aralyǵynda 1040 tumaý tııý oqıǵasy tirkeldi", dedi Kókshetaý qalalyq emhanasynyń bas dárigeri Ǵalııa Sabataeva.
Sonymen qatar, qalada arnaıy "103" telefon nómiri arqyly jedel járdem kómegin shaqyratyndar sany artqany baıqalady. Jańa jyl merekesi kúnderi jedel járdem qyzmetine medıtsınalyq kómek surap 4500-ge jýyq ótinish túsken.
