Aqmola oblysynda tumaýǵa qarsy vaktsına egý jumystary bastaldy

KÓKShETAÝ. QazAqparat – Aqmola oblysynda qyrkúıektiń 15-inen tumaýǵa qarsy ekpe egý jumystary bastaldy. Preparat tumaýdyń A, V jáne S túrlerine qarsy egiledi. Bul týraly oblystyq sanıtarııalyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

Departament basshysynyń aıtýynsha, tumaýǵa qarsy ekpe alý úshin turǵyndar turǵylyqty jeri boıynsha tirkelgen emhanasyna barýy tıis.

«Aldaǵy epıdemııalyq maýsym úshin Aqmola oblysynda tumaýǵa qarsy 73 000 doza «Grıppol» vaktsınasy satyp alyndy. Búgingi tańda oblysqa 31 000 doza jetkizildi, jaqyn arada qalǵan 42 000 dozasyn jetkizý josparlanǵan. Búginnen bastap barlyq medıtsınalyq uıymdarda oblys turǵyndary úshin tumaýǵa qarsy vaktsınatsııa naýqany bastaldy. Osy rette preparat bıylǵy epıdemologııalyq maýsymda baıqalady dep boljanyp otyrǵan tumaýdyń A, V jáne S túrlerine qarsy egilip jatyr», - dedi Aınagúl Mýsına.

Aıta ketsek, 2021-2022 jyldary epıdemıologııalyq maýsymda oblysta JRVI-diń 69 825 jaǵdaıy tirkeldi. Al, syrqattanýshylyq kórsetkishi 100 myń turǵynǵa shaqqanda 0,39 paıyz boldy. Sonyń ishinde 14 jasqa deıingi balalar arasynda – 24 881 (36,63%), bir jasqa deıingi balalar arasynda – 2 792 (4,11%), júkti áıelder arasynda – 1 351 jaǵdaı (1,99%) tirkeldi.

Eske sala keteıik, budan buryn Aqmola oblysynda tumaýǵa qarsy 73 138 vaktsına satyp alynǵanyn jazǵan edik.