Aqmola oblysynda tumaýǵa qarsy 73138 vaktsına satyp alyndy

KÓKShETAÝ. QazAqparat – Aqmola oblysynda tumaýǵa qarsy vaktsınatsııa bastalady. Osy rette «Grıppol plıýs» preparatynyń 73138 dozasy satyp alyndy. Bul týraly oblystyq sanıtarııalyq – epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

Departament basshysynyń sózinshe, tumaýǵa qarsy ekpe alý úshin turǵyndar turǵylyqty jeri boıynsha tirkelgen emhanaǵa barýy tıis.

«Qazirgi ýaqytta oblysta «Grıppol Plıýs» vaktsınasynyń 73138 mólsheri (9,9 paıyz) satyp alyndy, ol 9 qyrkúıekte jetkiziledi. Oblysta «Grıppol Plıýs» vaktsınasy 5 jyldan astam ýaqyt qoldanylyp keledi. Ekpeden keıingi asqynýlar tirkelgen joq. Bul preparat bıylǵy epıdemologııalyq maýsymda baıqalady dep boljanyp otyrǵan tumaýdyń A jáne V túrlerine qarsy egiledi», - dedi ol.

Aınagúl Mýsına atap ótkendeı, jyl basynan respýblıkada JRVI jáne tumaýmen syrqattaný artqany baıqalady. Іriktemeli baqylaý nátıjeleri boıynsha A tıpti tumaýdyń 500-den astam jaǵdaıy zerthanalyq túrde rastaldy.

«2021-2022 jyldary epıdemıologııalyq maýsymda oblysta JRVI-diń 67 923 jaǵdaıy tirkeldi, 100 myń turǵynǵa shaqqanda syrqattanýshylyq kórsetkishi – 9 123,07. Al 14 jasqa deıingi balalar arasynda – 24 881 (36,63%), bir jasqa deıingi balalar arasynda – 2 792 (4,11%), júkti áıelder arasynda – 1 351 jaǵdaı (1,99%) tirkelgen. Oblysta tumaýdyń 3 jaǵdaıy tirkelgen (Shortandy – 2, Zerendi – 1). Osy rette, tumaýǵa qarsy ekpe ınfektsııadan qorǵaýdyń birden bir joly», – dep tolyqtyrdy vedomstvodan.