Aqmola oblysynda túlekter mekteptiń 90 jyldyǵyn uıymdastyrdy

Aqmola oblysynyń Іshki saıasat basqarmasynyń habarlaıynsha, «Rýhanı jańǵyrý» baǵdarlamasynyń, «Aýyl - el besigi» jobasynyń aıasynda Jaqsy aýdanynyń Alǵabas mektebiniń ártúrli jyldardaǵy 80-nen astam túlegi týǵan oqý ornynyń 90-jyldyǵyna oraı voleıboldan jáne qazaq kúresinen sporttyq jarystar uıymdastyrdy.

Oıynǵa Atbasar jáne Jaqsy aýdandarynan 16 komanda qatysty. Uıymdastyrýshylardyń ózderi 400 myń teńge kólemindegi júlde qoryn qurdy.

Merekege sondaı-aq ár jyldary osy oqý ornynda jumys istegen otyzdan astam pedagog shaqyryldy.

Qazaq kúresi boıynsha jarysta 82 kg salmaq dárejesinde 1-shi oryndy Atbasar aýdany Bastaý aýylynan Nurlan Raýıat jeńip aldy. Al 66 kelige deıingi salmaqta Alǵabas aýylynan Maqsat Mýhamadıev jeńiske jetti. Jaqsy aýdanynyń Jańaqııma aýylynan kelgen Jandos Seıten absolıýttik kategorııada júldeger atandy.

Voleıboldan atbasarlyqtar jaqsy nátıje kórsetip, barlyq úsh júldeli orynǵa ıe boldy.

«Úzdik shabýylshy» ataǵy «Alǵabas - 2» komandasynan Aınabek Muqanovqa, al «Úzdik oıynshy» ataǵy «Alǵabas - 1» komandasynan Ádilet Qabdeshovke berildi.

«Rýhanı jańǵyrý» kabınetiniń ashylýy mereıtoı saltanatynyń taǵy bir mańyzdy oqıǵasy boldy.

Aýdandyq jáne aýyldyq ákimdikter «Nurqad» JShS-nyń qoldaýymen mektepke mýltımedııalyq jabdyq pen lazerlik prınter syılady.

Jylylyq, qamqorlyq jáne mahabbat - balalarmen jumys isteýdiń basty prıntsıpteri. 2011 jyldan bastap Esil jáne Sandyqtaý balalar úıleriniń muǵalimderi men aýyl turǵyndarynyń patronattyq tárbıege alǵan balalary bilim alýda.

«Jaqynda ǵana biz myna turǵan partalardy oqýshy bolyp otyrǵan edik, endi barlyǵymyz eresek adamdarmyz. Barlyǵynyń taǵdyry ártúrli, ómir joldary bólek, biraq bizdi árqashan bizdiń mektebimiz biriktiredi» - dep atap ótti mektep túlekteriniń biri Jumabek Muqashev.

Aıta ketetin másele, mekteptiń burynǵy oqýshylary kelesi jyly aýylǵa baratyn joldy jóndeýdi josparlap otyr