Aqmola oblysynda «Týǵan jer» baǵdarlamasy aıasynda jańa mektep salynady

KÓKShETAÝ. QazAqparat - Aqmola oblysynda «Týǵan jer» baǵdarlama aıasynda jańa mekteptiń qurylysy bastaldy, dep habarlaıdy «QazAqparat» HAA tilshisi əkimdiktiń baspasóz qyzmetine silteme jasap.

Aımaq basshysy Məlik Myrzalın jumys saparymen Tselınograd aýdanynda bolyp, Qosshy aýylyndaǵy №2  orta mektepte sońǵy qońyraý saltanatyna qatysty.

Aǵymdaǵy jyly atalmysh bilim ordasynan 76 oqýshy túlep ushpaq. Onyń 4-ýi «Altyn belgige» úmitker.

Oqýshylar men olardyń ata-analary jəne ustazdar aldynda quttyqtaý sóz sóılegen aımaq basshysy túlekterge durys  tańdaý jasap, Elbasy Nursultan Nazarbaevtyń alǵa qoıyp otyrǵan mindeti elimizdiń damýyna súbeli úles qosatyndyqtaryna senim bildirdi.

Sharada aımaq basshysy oblystaǵy qoǵamdyq-mədenı  jəne sportyq sharalarǵa belsendi qatysyp júrgen ustazdar men oqýshylarǵa 500 «EKSPO-2017» bıletterin tapsyrdy.

Osy kúni Məlik Myrzalın Qosshy aýylynda jeke ınvestorlardyń qarajatyna salynatyn jańa mekteptiń alǵashqy kirpishin qalaý rásimine qatysty.

«Bul Elbasynyń «Týǵan jer» baǵdarlamasynyń júzege asyrylyp jatqanynyń jarqyn úlgisi», deı kele aımaq basshysy mekteptiń qurylysynyń mańyzdy is ekenin atap ótti.

Merdiger «Qazyna-SR»  JShS dırektory S.Mataıbaevtyń aıtýynsha bıznestiń əleýmettik jaýapkershiligi sheńberine boı kóteretin bilim ordasy 200 oqýshyǵa arnalǵan. Ǵımaratta aǵylshyn tili tereń oqytylatyn 12 synyp pen sektsııa, úıirme bólmeleri qarastyrylǵan. Jobanyń quny 350 mıllıon teńgeni qurap otyr. Qurylys jumystary týra bir jyl ótken soń aıaqtalyp, bilim ordasy paıdalanýǵa beriledi dep josparlanǵan.