Aqmola oblysynda transulttyq qylmystyq top músheleri sottaldy

KÓKShETAÝ. QazAqparat - Aqmola oblysynyń qylmystyq ister jónindegi mamandandyrylǵan aýdanaralyq sotynda 20 kg astam psıhotroptyq zattardy jáne 1 kg shamasynda esirtki quraldaryn saýdalaýmen aınalysqan quramynda Qazaqstan Respýblıkasynyń alty azamaty jáne Reseı Federatsııasynyń bir azamatyna bar transulttyq qylmystyq topqa qatysty qylmystyq is qaraldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.

Sotta anyqtalǵandaı, sottalýshylar 2018-2020 jyldar aralyǵynda Reseı Federatsııasynyń aýmaǵynda psıhotroptyq zattar men esirtki quraldaryn zańsyz satyp alyp, olardy Qazaqstanǵa jetkizip otyrǵan. Sonymen birge olar Qazaqstan aýmaǵynda asa iri mólsherde esirtki quraldary men psıhotroptyq zattardy zańsyz tasymaldaýmen, saqtaýmen jáne ótkizýmen aınalysqan. Olardyń qylmystyq áreketteriniń nátıjesinde 800 mıllıon teńgeden astam qarjy óndirilip, zańdastyryldy.

«Sotta bes sottalýshy kináni ishinara moıyndap, jazany jeńildetýdi surady, eki sottalýshy kinásin moıyndamady jáne aqtaýdy surady. Sottalǵandardyń kinási kýágerlerdiń aıǵaqtarymen, psıhotroptyq zattar men esirtki quraldaryn zertteý jáne basqa da saraptamalardyń qorytyndylarymen, oqıǵa bolǵan jerdi qaraý hattamalarymen jáne zattaı aıǵaqtarmen dáleldendi», - dedi vedomstvodan.

Sot úkimimen sottalýshylar aıyptaýdyń tıisti epızodtary boıynsha baptarda kózdelgen qylmystyq quqyq buzýshylyqtardy jasaǵany úshin kináli dep tanyldy.

«Sot qylmystardyń jıyntyǵy boıynsha jasalǵan áreketterdiń qoǵamdyq qaýiptiligi men sottalýshylardyń jeke basyn eskere otyryp, barlyǵyna naqty bas bostandyǵynan aıyrý túrindegi jaza taǵaıyndady. ıAǵnı, tórt sottalýshy 17 jylǵa, qalǵan úsh sottalýshy tıisinshe 15, 10 jáne 9 jyl merzim jazaǵa kesildi. Sonymen birge zańsyz jolmen alynǵan jalpy somasy 800 mıllıon teńgeden astam múlikti tárkileý túrinde qosymsha jaza taǵaıyndaldy», - dep tolyqtyrdy Aqmola oblystyq sotynyń baspasóz qyzmetinen.

Sot úkimi zańdy kúshine engen joq.