Aqmola oblysynda tótenshe jaǵdaı rejımin buzǵandar 7 táýlikke qamaldy
KÓKShETAÝ. QazAqparat – Aqmola oblysynda tótenshe jaǵdaı rejımin buzǵandar ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2020 jylǵy sáýirdiń 4-de Tselınograd aýdanynyń eki turǵyny Nur-Sultan qalasyndaǵy karantındik baqylaý nysanynan zańsyz ótpek bolǵan. Tártip saqshylar ustalǵan adamdardyń ústinen QR ÁQbK 476 baby boıynsha ákimshilik hattama toltyrdy.
«Tselınograd aýdandyq sotynyń qaýlysymen zań buzýshylar 5 táýlikke qamaldy», - deıdi vedomstvodan.
Aqmola polıtseıleri karantın aımaǵyndaǵy eldi meken turǵyndaryn belgilengen karantın rejımi erejesin buzbaýǵa, tártip saqshylarynyń zańdy talabyna qarsylyq kórsetpeýge jáne turǵyndardyń densaýlyǵyna qaýipke týdyrmaýǵa shaqyrady.
