Aqmola oblysynda topyraq basyp qalǵan 59 jastaǵy jumysshy kóz jumdy

KÓKShETAÝ. QazAqparat - Aqmola oblysynda sý qubyryn tartyp jatqan 59 jastaǵy er adam topyraqtyń astynda qalyp kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, qaıǵyly jaǵdaı Aqkól qalasynyń «Naýka-1» saıajaı alabynda santehnıkalyq jumystary kezinde bolǵan.

Bul jaıynda Aqkól aýdandyq PB kezekshi bólimine jergilikti medbıke habarlap aıtqan.

«Belgili bolǵandaı, 59 jastaǵy er adam shildeniń 27-de saǵat 16:30 shamasynda úı ıesimen aýyzsha kelisim negizinde eni 1,5 metr, tereńdigi 2 metr shuńqyrǵa túsip, sý qubyryn tartpaqshy bolǵan. Osy kezde shuńqyrdyń joǵary qabatyndaǵy topyraq opyrylyp, er adamdy basyp qalǵan. Ol alǵan dene jaraqatynan sol jerde kóz jumdy», - dedi vedomstvodan.

PD baspasóz qyzmetinen atap ótkendeı, bul derek Qylmystyq kodekstiń 156-baby boıynsha tirkelip, sot-medıtsınalyq saraptama taǵaıyndaldy.

Aıta ketsek, budan buryn Býrabaı taýynda aıaǵyn shyǵaryp alǵan týrıst qutqarylǵanyn jazǵan edik.