Aqmola oblysynda toq soqqan jumysshynyń ólimine baılanysty is qozǵaldy

KÓKShETAÝ. QazAqparat - Aqmola oblysynda qurylys alańynda jumysshyny toq soǵyp, kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, sáýirdiń 30-ynda Kókshetaý qalalyq polıtsııa basqarmasyna Táshenov-Ýálıhanov kósheleriniń qıylysynda qurylys jumystaryn júrgizý kezinde jumysshyny toq soqqandyǵy týraly habar tústi. Zardap shekken 20 jastaǵy kókshetaýlyq sol jerde kóz jumǵan.

«Anyqtalǵandaı, jas jigit jergilikti kásiporynda jumys istegen. Osy derekke baılanysty Qylmystyq kodekstiń 156-babynyń 3-bóligi boıynsha «eńbekti qorǵaý erejelerin buzý» boıynsha sotqa deıingi tergeý bastaldy. Sot-medıtsınalyq saraptama taǵaıyndaldy. Qaıǵyly jaǵdaıdyń mán–jaıy anyqtalýda», - dedi vedomstvodan.

Aıta ketsek, budan buryn Aqmola oblysynda elektrık toqqa túsip, kóz jumǵanyn jazǵan edik.