Aqmola oblysynda tirkelmegen 54 myltyq tərkilendi
KÓKShETAÝ. QazAqparat - Aqmola oblysynda tirkelmegen 54 dana myltyq tərkilendi, dep habarlaıdy "QazAqparat" HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, 2017 jyldyń 28 naýryzynan bastap oblys aýmaǵynda "Qarý" respýblıkalyq aldyn alý sharasy ótýde. Oǵan jergilikti polıtsııa qyzmeti jəne əkimshilik, krımınaldy polıtsııa qyzmetkerlerinen quralǵan 130 jumys toby tartylýda. Reıdke 600 polıtseı qatysýda.
Shara barysynda əsirese, shalǵaı aýdandardaǵy jaıylymdarǵa erekshe kóńil bólinip otyr. Bes kúnniń ishide 180-nen astam jaıylym tekserildi. Máselen, Ereımentaý aýdanynyń Taıbaı aýyldyq okrýgi aýmaǵyndaǵy jaıylymda jergilikti turǵynnan tirkelmegen 16 kolıbrli "IJ" myltyǵy tərkilendi.
Al, Arshaly aýdany Jibek joly aýylynyń turǵynynan 16 kolıbrli "TOZ-63" myltyǵy, Arshaly kentiniń turǵynan 16 kolıbrli "RG-89" tapanshasy alyndy. Sondaı-aq, Astrahan aýdanyndaǵy Astrahan jəne Zelenoe aýyldarynyń turǵyndarynan "TOZ-63" myltyǵy jáne "MR" pnevmatıkalyq vıntovkasy, Makınsk qalasynyń turǵynynan 20 kolıbrli "ZK" tegis uńǵymaly myltyǵy tərkilendi.
Jalpy, sharanyń alǵashqy bes kúniniń qorytyndysy boıynsha 54 dana myltyq tərkilendi. Onyń ishinde 27-i tegis uńǵyly, 15 gaz, 4 pnevmatıkalyq, 2-ýi sholaq jəne 1-i travmatıkalyq myltyq.
Tárkilengen qarýlardyń barlyǵy sottyq-balıstıkalyq saraptamaǵa jiberildi. Saraptama qorytyndysy boıynsha protsessaýldyq shara qoldanylatyn bolady", dep kórsetilgen habarlamada.
