Aqmola oblysynda teńdessiz metall qondyrǵylaryn shyǵaratyn erekshe zaýyt jumysyn bastady
KÓKShETAÝ. QazAqparat - Aqmola oblysynyń Aqkól aýdanynda teńdessiz metall qondyrǵylaryn shyǵaratyn erekshe zaýyt jumys isteýde, dep habarlaıdy «QazAqparat» HAA tilshisi oblystyq əkimdiktiń baspasóz qyzmetine silteme jasap.
Aımaq basshysy Sergeı Kýlagın atalǵan aýdanǵa barǵan jumys sapary barysynda respýblıkadaǵy jalǵyz metall konstrýktsııalaryn óndiretin teńdessiz zaýyt qyzmetimen tanysty.
«SP Kazahstan EHZ tehnologıı» JShS óńirdegi jańa kásiporyn bolyp sanalady. Ol 2016 jyldyń qyrkúıek aıynda ǵana iske qosylǵan. Munda jerasty munaı-gaz qubyrlarynyń antıkorrozııalyq qorǵanysyna arnalǵan anodty jerge tuıyqtaǵyshtar men ózge de metall qondyrǵylary shyǵarylady. Bul buıymdar jer asty qubyrlaryn korrozııadan qorǵaýǵa arnalǵan.
«Joba iske qosylǵaly beri 26 mıllıon teńgeniń ónimi óndirildi. Kásiporynnyń jobalyq qýaty aıyna 2 myń anodty quraıdy. Búginde 8 jumysshymyz bar», - deıdi kəsiporyn basshysy Jeńis Beksultanov.
Óńir basshysy óńirdiń ónerkásiptik áleýetin arttyratyn kez-kelgen jańa jobany qoldaıtynyn aıtty.
