Aqmola oblysynda Táýelsizdiktiń 30 jylyndaǵy Qazaqstannyń jetistikteri talqylandy

KÓKShETAÝ. QazAqparat - El Táýelsizdiginiń 30 jyldyǵyn merekeleý aıasynda jáne Konstıtýtsııa kúni qarsańynda Kókshetaýda «Táýelsiz Qazaqstan: Jasampazdyqqa toly jyldar» atty dóńgelek ústel otyrys ótti, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.

Sharaǵa qoǵam qaıratkerleri, sarapshylar, úkimettik emes uıymdar, bıznes-qoǵamdastyq, depýtattyq korpýs ókilderi, «Qazaqstannyń 100 jańa esimi» jobasynyń qatysýshylary men jeńimpazdary, oqý oryndarynyń oqytýshylary qatysty.

Onda óńirdiń damýy konteksindegi egemendiktiń 30 jyldyq kezeńindegi respýblıkanyń jetistikterin, sondaı-aq Qazaqstannyń memlekettiliginiń tarıhy, táýelsizdik jyldaryndaǵy eldiń damý strategııasy máseleleri talqylady.

Jıynda Aqmola oblysy ákiminiń orynbasary Aına Mysyrálimova atalǵan is-sharany ótkizýdiń ózektiligi men mańyzdylyǵyna toqtaldy.

«Búginde búkil álem elimizdiń 30 jyldaǵy jetistikterine tańdana qaraıdy. Barlyǵymyzdy jańa qoǵam, memleket jáne ekonomıka qurýǵa degen ortaq umtylys biriktiredi. Biz Elbasy men Prezıdenttiń el men óńirdi damytý jónindegi saıasatyn tabysty júzege asyryp, azamattarymyzdyń ál - aýqatynyń joǵary deńgeıine qol jetkizýge umtylamyz», - dep atap ótti Aına Mysyrálimova.

Dóńgelek ústel otyrysy aıasynda azamattyq qoǵamdy, joǵary bilim berý júıesin, ǵylym salasyn, ónerkásipti damytý, Táýelsizdik jyldary jastar saıasatyn iske asyrý máseleleri týraly jýrnalıst, jazýshy-dramatýrg Jabal Erǵalıev, Shoqan Ýálıhanov atyndaǵy Kókshetaý ýnıversıtetiniń rektory Marat Syrlybaev, Oblystyń Azamattyq alıansynyń tóraǵasy Irına Terenteva, QR Prezıdenti janyndaǵy Memlekettik basqarý akademııasynyń Aqmola oblystyq fılıalynyń dırektory, «Qazaqstannyń 100 jańa esimi» jobasynyń jeńimpazy Bella Gazdıeva, «Kókshetaý mıneraldy sýlary» AQ dırektory Stanıslav Maksımets, oblystyq jastar resýrstyq ortalyǵynyń jetekshisi Mánsııa Esekeeva sóz sóıledi.

«Táýelsizdik alǵannan keıin elimizdiń Tuńǵysh Prezıdenti, Elbasy Nursultan Ábishuly Nazarbaev ǵylym men bilimdi basymdyqpen damytý qajettigin birinshi kezekke qoıdy. Eldiń egemendigi kezeńinde bul salada aıtarlyqtaı ózgerister boldy, ekonomıkalyq, qoǵamdyq jańartýdyń barlyq qajettilikterine jaýap beretin jáne bilim berý júıesine qoıylatyn halyqaralyq talaptardy eskeretin qujattar qabyldandy», - dedi Shoqan Ýálıhanov atyndaǵy Kókshetaý ýnıversıtetiniń rektory Marat Syrlybaev.

Táýelsizdiktiń 30 jyldyǵyn merekeleý aıasynda oblysta 7000-nan astam túrli is-sharalar júzege asyryldy. 20-ǵa jýyq ınfraqurylymdyq jáne áleýmettik-mádenı nysandar paıdalanýǵa berildi. Jyl sońyna deıin taǵy 60 ındýstrııalyq jáne áleýmettik nysandardy ashý josparlanǵan.