Aqmola oblysynda Táýelsizdiktiń 30 jyldyǵyna arnalǵan fotosýretter kórmesi ótti
Mádenıet, arhıvter jáne qujattamalar basqarmasynyń málimetinshe, «Kókshetaý« mádenıet saraıynda uıymdastyrylǵan is-sharanyń maqsaty -týǵan ólke týraly bilimderin keńeıtý, tarıhı-mádenı murany, oblystyń 30 jyldyq kezeńdegi túrli qyzmet salalaryndaǵy jetistikterin dáripteý, óskeleń urpaqqa patrıottyq tárbıe berý.
Barlyǵy 19 rollaptan turatyn jyljymaly kórme Aqmola oblysynyń aýdandary men qalalarynyń memlekettik muraǵattarynyń fotomaterıaldary boıynsha daıyndaldy. Іs-sharaǵa túrli memlekettik organdardyń, etnomádenı, ardagerler men jastar birlestikteriniń ókilderi, oqý oryndarynyń stýdentteri qatysty.
Qatysýshylar aldynda quttyqtaý sóz sóılegen Aqmola oblysy ákiminiń orynbasary Aına Mysyrálimova kórmeniń mańyzdylyǵyna toqtaldy.
«Bul fotokórmeniń qundylyǵy onda oblystyń ár aýdany men qalasynyń tarıhy kórsetilgen. Árbir fotosýrette mádenı, tarıhı oqıǵalar, tanymal tulǵalar, jetistikter týraly úlken aqparat bar, bul kelýshige sol ýaqyttyń rýhyn, bizdiń oblysymyz ben respýblıkamyzdyń qalyptasý jáne damý kezeńderin sezinýge múmkindik beredi», - dep atap ótti aımaq basshysynyń orynbasary.
Іs-shara barysynda arhıv qyzmetkerleri qonaqtarǵa ár kollektsııa týraly egjeı-tegjeıli aıtyp, olardy qyzyqtyrǵan suraqtarǵa jaýap berdi.
Aıta keteıik, mereıtoılyq jyly óńirde «Alty alashtyń Jambyly» jáne «Uly dala jaýhary»atty kórmeler de tabysty ótti.