Aqmola oblysynda «Táýelsizdik - halyq maqtanyshy» taqyrybynda kitap kórmesi ótti
KÓKShETAÝ. QazAqparat - Aqmola oblysynyń Aqkól aýdanynda Táýelsizdiktiń 30 jyldyǵyna arnalǵan «Táýelsizdik - halyq maqtanyshy» taqyrybynda kitap kórmesi ótti, dep habarlaıdy QazAqparat tilshisi.
«Týǵan jer» kishi baǵdarlamasynyń «Atameken» bazalyq baǵyty «Rýhanı jańǵyrý» baǵdarlamasyn iske asyrý sheńberinde Malo-Aleksandrovka aýyldyq klýbynda uıymdastyrylǵan kórmege muǵalimder, mektep oqýshylary, aýyl turǵyndary shaqyryldy.
«Kórmeni ótkizýdiń maqsaty keleshek jastardyń boıynda patrıottyq sezimdi oıatyp, Otanǵa degen súıispenshilikti qalyptastyrý, eldiń tarıhy, ótkeni men jarqyn bolashaǵy úshin maqtanysh sezimin qalyptastyrý. Oqýshylar el Táýelsizdiginiń qalyptasýy týraly kitaptarmen tanysty. Kórme aıasynda olar Qazaqstannyń Táýelsiz memleket retinde qalyptasýy týraly bilgenderin aıtty. Munyń bári oqýshylardyń oı - órisin keńeıtýge, óziniń jáne óz eliniń taǵdyry úshin jaýapkershilikti sezinýge múmkindik beredi», - dep atap ótti aýyldyq mádenıet úıiniń jetekshisi Natalıa Sheıkına.
