Aqmola oblysynda tártip buzǵan ákim qyzmetinen ketti

KÓKShETAÝ. QazAqparat - Aqmola oblysynda tártiptik jaýapkershilikke tartylǵan ákim qyzmetinen ketti. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttigi Aqmola oblysy boıynsha departamenti Ádep jónindegi keńesiniń otyrysynda aıtyldy, dep habarlaıdy QazAqparat tilshisi.

Keńeste Esil aýdanyndaǵy Kýrsk selosynyń ákimi V.Rogoznyıdyń tártiptik isi qaraldy.

Qylmystyq is materıaldarynda kórsetilgendeı V.Rogoznyıdyń ústinen QR QK 346 babynyń 1 bólimi boıynsha is qozǵalǵan. Ol óziniń 36 aıǵa kólik júrgizý quqyǵynan aıyrylǵanyna qaramastan mas kúıinde «Mıtsýbısı Padjero» kóligin tizgindegen. Osylaısha, onyń QR «QR Memlekettik qyzmet týraly» Zańynyń 10 babynyń 8 bóligi 1 bólimi, QR Melekettik qyzmetshiniń Ádep kodeksiniń birqatar erejeleriniń buzǵany anyqtaldy.

Sol sebepti Ádep keńesi músheleri biraýyzdan V.Rogoznyıdy Esil aýdanynyń Kýrsk selosy ákimi laýazymynan bosatý týraly uıǵarymǵa keldi.