Aqmola oblysynda tarıhı-mádenı mura nysandary kodtaldy
Óńirlik kommýnıkatsııalar qyzmetiniń málimeti boıynsha aktsııa «Rýhanı jańǵyrý» baǵdarlamasy sheńberinde qolǵa alynyp otyr. Bul óńirdegi kórikti jerler týraly málimetterdiń oblys turǵyndary men qonaqtaryna jáne týrıster úshin qoljetimdi bolýyna septigin tıgizbek.
«Atalmysh joba elimizde Pavlodar jáne Aqmola oblystarynda ǵana júzege asyrylyp otyr. QR-kodtyń basty artyqshylyǵy ol smartfondaǵy mobıldik qosymsha arqyly tsıfrlandyrylǵan aqparatty anyqtaýda jeńil. ıAǵnı, QR-kodtary bar keste arqyly óńirdiń tarıhı jáne mádenı nysandarymen tanysýǵa bolady. Sondaı-aq, onlaın júıe arqyly qajetti aqparatty da júkteýge múmkindik beredi», - dep túsindirdi óńirlik kommýnıkatsııalar qyzmetindegiler.
Oǵan qosa, QR-kodtar arqyly negizgi tarıhı málimetter bar mátinnen bólek, tarıhı tulǵa men oqıǵalar týraly kórkem fılm júkteýge bolady. Atalmysh joba oblys turǵyndary men qonaqtary jáne týrısterden bólek, tanymdyq jaǵynan ósip kele jatqan keleshek urpaqtyń da qyzyǵýshylyǵyn arttyratyny sózsiz.
«Aqmola oblysyndaǵy kıeli 1032 tarıhı jáne mádenı eskertkishtiń ázirge 20 ǵana týraly aqparat QR-kod arqyly tsıfrlandyrylǵan. Olardyń arasynda Býrabaı kentindegi Abylaıhan alańy, Ereımentaý aýdanynda XVIII ǵasyrda ómir súrgen qolbasshy, Bógenbaı batyr eskertkishi, Atbasar aýdanyndaǵy tanymal jazýshy Іlııas Esenberlın eskertkishi, Kókshetaý qalasyndaǵy Abylaıhan, Aqan seri, Birjan sal, Uly Otan soǵysynyń batyrlary Talǵat Bıgeldınov pen Málik Ǵabdýllın eskertkishteri jáne Kókshetaý qalalyq murajaıy bar», dep kórsetilgen habarlamada.
Aldaǵy ýaqytta óńirdegi ózge de tarıhı-mádenı eskertkishterdi kodtaý josparlanǵan.
